Back to Top
Responsive image
E korant di pueblo

12% di Kòrsou te ainda a infektá ku Covid


December 25, 2021 • 1 minüt pa lesa

Punda— Segun e último informe di gobièrnu riba e situashon di Covid, un kantidat di 18.622 persona en total a keda infektá te ainda ku Covid. Esaki ta igual na 12% di nos poblashon na 153.671 habitante. Segun Izzy Gerstenbluth durante e último rueda di prensa, mester tene kuidou ku e desaroyo di e variante nobo Omricon, ku su índise di infekshon ta kasi 2.0.

Top 9 paisnan ku mas tantu infekshon di Covid

Gerstenbluth a papia di e “R Estimate”, kual ta e índise di replikashon pa Omicron. Te ainda ta indikativo ku na Kòrsou e ta yega ta 2.0. . Esaki ta nifiká ku kada persona a infektá por lo ménos 2 otro persona. E índise di infekshon na Kòrsou, kompará ku e promé 10 paisnan mas infektá na mundu, ta mustra motibunan di prekupashon. Durante e rueda di prensa e siman aki, Izzy Gerstenbluth alabes a menshoná so prekupashon. Segun sifranan mundial, den e 10 paisnan mas tantu infektá ku Covid, midí na sifranan apsoluto, ta solamente kuater di paisnan ta mas malu ku Kòrsou. Esaki relatá na porsentahe di populashon infektá.


Pronóstikonan di Vigilante inisio di desèmber a indiká oumento ta na kaminda

Miéntras 12% di Kòrsou su poblashon a infektá ku Covid, Estádos Unídos ta na 15%, Inglatera GB na 18%, Fransha na 14% i Spaña na 13%. Demas tur pais den e tòp 10 infektá na mundu, nan índise di infekshon na porsentahe di poblashon ta mas abou ku Kòrsou. Esaki ta konta pa paisnan manera, India, Brazil, Russia, Turkia Alemania i Iran. Hulanda te ku wikènt tabatin 17% di su poblashon infektá, kual ta 5 punto di porsentahe mas haltu ku Kòrsou.



Login