Back to Top
Vigilante banner image

12 hulandes detené den haf Antwerpen


June 3, 2023 • 1 minüt pa lesa

ANTWERPEN—Wikènt pasá outoridatnan na Antwerpen a detené 12 hulandes riba terminal di konteiner di haf.

6 di nan a skonde den un konteiner i tabata agresivo loke ku polis a detené nan siguiente dia, segun Gazet Antwerpen. Den anochi di 26 pa 27 mei polis di haf a deskubri e grupo ku kier a saka droga for di konteiner di haf. Pa nan komportashon agresivo polis a sera den den e konteiner te siguiente dia. Djasabra mainta un team di aresto a detené. Tabatin un menor di edat den e grupo. Djaluna tambe polis a detené 5 sospechoso riba haf. Tur 12 sospechoso tin nashonalidat hulandes. E menor di edat a bai un instansha hubenil mientras e 11 adultonan a keda detené riba sospecho di trafikashon droga, partisipashon na un organisashon kriminal i akseso ilegal riba tereno di haf. Nan lo keda sera sigur pa un luna. Riba e terminal a haña djaluna den un konteiner ku kofi 772 kilo di kokaina. Djamars outoridatnan a deskubrí 2757 kilo di kokaina den un karga di tuna. Polis federal di Antwerpen ta investiga si tin un vinkulo entre e sospechosonan i e kokaina konfiská.

Login