Back to Top
Responsive image
E korant di pueblo

122 mion na pago pa ámtenar durante novèmber i desèmber 2020


January 9, 2021 • 2 minüt pa lesa

Raymond Gradus ta protesta pero tòg ta
permití gobièrnu ehersé pagonan retrasá.

Punda—Durante último dos luna di 2020, gobièrnu di Kòrsou a paga na ámtenar i nan salario un suma di 121 mion florin. Ta trata di pagonan pa salarionan neto, finansiamentu di VVU (no ehekuta) , Fondo di Penshun, retraso riba Fondo di Penshun i Seguronan Sosial.

E suma di 122 mion florin ta kasi 30.500 promedio pa kada ámtenar den kuerpo lokual ta ekivalente pa 15 mil florin mensual. Mas aleu, 121 mion florin ta 42% di e total suma ku Kòrsou a risibi pa Fondonan di Sosten na Novèmber último. Pa lokual ta trata salarionan neto a paga 42.6 mion florin, VVU 35 mion (suma reserva), Penshun, 43.5 mion, retraso riba Penshun 28 mion florin i finalmente pagonan seguro sosial, 16 mion. Segun un kalkulo di likides ku Gobièrnu di Kòrsou a someté na Gobièrnu Ulandes pa finansiamentu di krísis finansiero di Covid-19, un suma di 122 mion a keda presupuestá pa paga bolsa di ámtenar.

Pero esaki ta di dos biaha ku e forsa públiko ta risibi finansiamentu mionario. Na promé instante a trata di 56 mion florin na final di aprel i 41 mion florin na final di mei. E luna di aprel ta mas haltu pasobra mester paga APC pa pagonan retrasá ku gobièrnu tin na e instituto di nashonal di penshun.  Segun e kálkulonan, pa aprel gobièrnu tabatin un saldo di likides positif di 65 na inisio i despues di paga su gastunan, inkluso salario a keda un suma negativo di 253 mion florin kual ta pasa komo saldo inisial pa mei. Inkluso den su kálkulonan gobièrnu a tene kuenta ku pago di 115 mion florin destiná na sosten okashoná pa Covid 19. Segun a drenta mei, gobièrnu a sigui paga salarionan na un suma di 41 mion florin. Esaki no ta un bahada sino un diferensha ku na aprel a paga 15 mion florin na APC pa retraso. En total 97 mion florin pa 2 luna. Na final di mei gobièrnu su posishon di likides mester tabata negatif na 482 mion florin.

Login