Back to Top
Responsive image
E korant di pueblo

15 aña trabou boluntario di Maris Stella SBO huntu ku MCB


December 14, 2020 • 2 minüt pa lesa

Saliña– 15 aña pasá Maduro & Curiel’s Bank N.V a introdusí un inovashon nobo den luna di desèmber ku a pone un dimenshon mas den e tradishon di Banko su responsabilidat sosial korporativo den nos komunidat: Siman di Kurason Positivo – Live Love Smile ku MCB.

Un siman den kual ta sirbi diferente grupo den nos komunidat pa medio di proyektonan organisá pa tantu kolega, amigu i konosínan, pero tambe ku otro partnernan. MCB ta super orguyoso di a selebrá 15 aña di trabou estrecho durante luna di desèmber ku Maris Stella SBO. Djabièrnè dia 4 di desèmber den e normal nobo,  a kuminsá ku e proyektonan di Siman di Kurason Positivo. Dosente i studiantenan di Maris Stella a inisiá e proyekto ku Ante Sala di Siman di Kurason Positivo.

Den e kuadro akí a sorprendé 9 kas di grandi ku un lùnch i regalo pa kada habitante. Un di nan proyekto pa e aña aki tabata na  “Curaçao Zoo”. Tambe Maris Stella SBO a organisá un mainta ameno pa muchanan di diferente skol di fundeshi, skol spesial, algun krèsh i kas di rehabilitashon.  E studiantenan di Maris Stella SBO a prepará diferente wega ku a pas den e normal nobo.  Na final di e dia tur hende a disfrutá di un tremendo kuminda prepará pa e kushina di Maris Stella SBO. Nos hóbennan guiá pa dosentenan a demostrá kualidatnan organisatorio, pashon pa kushiná i amor pa sirbi i kompartí ku diferente grupo den nos komunidat.  

Maduro & Curiel’s Bank ta yama danki na Maris Stella SBO pa 15 aña di koperashon pa a trese un sonrisa riba kara di diferente persona den nos komunidat.  Nos ta sigur ku nos lo sigui traha huntu pa trese mas alegria den kada instituto ku nos bishitá i sirbi “Huntu Awe i Mañan”.

Login