WILLEMSTAD—Ellis a splika ayera ku den aña 2022 tabatin 158 kaso di ladronisia di vehíkulo kual tabata e sifra mas abou di último tempu.

Den anterior e sifra di ladronisia di outo tabata hopi mas haltu. Loke ta remarkabel ta ku na aña 2020 i 2021 ku tabata netamente e aña di Covid pero tòg e ladronisia di outo tabata basta haltu. E sifra tabata 237 i 238 kual tabata un sifra basta haltu. tòg despues di Covid unda tabatin diferente medida manera plachinan di dia i otro medidanan pa keda bo kas tòg e sifra a yega na 158 kaso di ladronisia di vehíkulo den 2022.  101 vehíkulo  ku a ser hòrtá ya kai bou di e kategoria di outo di famia, 30 tabata outo di hür, 10 tabata motosaikel, 9 tabata di negoshi,  4 tabata bròmfits i 2 ta quad i un di nan di ta un raptor.  

E sitio na unda mas e vehíkulonan aki a wòrdu hòrtá tabata for di den kura di kas mes . 90 di nan tabata na lugá nan públiko. 10 di nan tabata na altura di negoshinan di Horeca i 6 tabata kaminda tin negoshi i 2 tabata na altura di skol. Tabatin sigur 2 kaso ku no por a saka afó na unda e vehíkulo a ser hòrtá. Esaki por pasa ora ku un turista no por desifrá unda eksaktamente e vehíkulo a keda hòrtá.  E dia ku mas vehíkulonan a ser hòrtá tabata riba djasabra unda  33 vehíkulo   a ser hòrtá. 48 sospechoso a keda  detené pa ladronisia di vehíkulo di kual 42 di esnan ku a keda detené ta trata di Yu di Kòrsou, un di nan ta Boneriano, un haitiano, un  Hamaikino, un portugues, un hulandes i unu di Puertoriko.