Back to Top
Responsive image
E korant di pueblo

2021 tin espektativa di mei bion florin ménos na impuesto


July 7, 2021 • 2 minüt pa lesa

Punda—Kabinete Pisas su doló kabes mas grandi ta finansas públiko. Na e momentonan aki gobièrnu di Kòrsou ta sin sèn pa paga su gastunan i espektativa ta mustrando hopi malu pa lokual ta trata kobransa di impuesto.

Na 2020, Kòrsou a kobra 1.2 Miar florin na Impuesto. Esaki ta kasi 300 mion ménos di lokual tabata riba presupuesto. E aña aki, segun sifranan preliminar di 2021, por spera 160 mion florin ménos kompará ku 2020, lokual por e kobransa total na alrededor di 1 miar florin lokual ta kasi 500 mion florin ménos kompará ku 2019. Hunta di Minister di Reino a stipulá bon kla ku Kòrsou mester kumpli. Un finansiamentu aprobá di 168 mion florin ta mará na pagonan inkremental dependé kon leu Kòrsou yega ku ehekushon di medida. Te ku desèmber 2021 e nesesidat na likides ta yega 509 mion florin.

Na 2020 Kòrsou a kobra riba 300 mion ménos na impuesto i na 2021 lo no ta muchu diferente. Sin finansiamentu, diferente gastu presupuestá durante último mitar di 2021 no por wòrdu kanselá. Vulnerabel ta bira 90 mion florin na kréditornan, 27 mion na retiro boluntario (VVU), 87 mion di pagonan na penshun di APC, 48 mion na pagonan AOV/BVZ, 123 mion destiná na Fondo di Sosten pa programashon di e.o. NOW ets. Den kuadro pa stimulá invershon, 18 mion riba presupuestá di likides tambe ta kore riesgo. Na 2020 a aprobá sosten finansiero di Hulanda pa invertí 33 mion. Te ku final di Desèmber 2021 tin 180 mion programa pa paga na supsidionan inkluso fundashonnan i organisashonnan den enseñansa.

Cft a komprometé mas envolvimentu den maneho durante 2021 miéntras mester determiná 66 mion fiansa for di benta di UTS. Hulanda ta eksihí pa tin mas kòntròl riba maneho na CMC inkluso ehekushon di un sistema sentralisá pa kumpra remedi ku ekiponan médiko. Mester drecha efektividat den kompanianan i servisionan gubernamental. E idea ta pa traha kualitativo i efektivo. Mester redusí gastunan di gobièrnu na 20% den e próksimo 5 aña. Pa 2021, ta planiá pa efektuá e asina yama VVU unda por lo ménos 600 ámtenar ta baha fo’i aparato.

Login