Back to Top
Responsive image
E korant di pueblo

23 mion :Kompensashon pa gastunan fiho ta resultá ménos


December 29, 2020 • 1 minüt pa lesa

Steven Martina, Minister di Asuntunan Ekonómiko

Punda—Segun kálkulonan di Cft, un suma di kasi 24 mion florin mester bai pa yuda sektor priva na Kòrsou kubri nan gastunan fiho. Esaki ta lokual ta indikativo riba e último rapòrt di Cft. Ta trata di un suma pronostiká.

Entretantu e fórmula ku MEO ta apliká no ta kompletamente lokual nan a anunsiá na rueda di prensa. Segun e fórmula pa kubri parti di bo gastunan fiho, lo mester tabata 32%, pero riba e suma aki MEO ta bolbe deskontá 30% èkstra, lokual ta yega na un suma di kubrimentu mas abou di lokual Mook di MEO a anunsiá.

Segun Cft, for di òktober e ana aki tabata plania pa kuminsá ehekutá e sosten.  Probablemente debí na un retraso pa yega na remarke pa finansiamentu foi Hulanda no tabata posibel pa Kòrsou ehekutá e programa. Te ainda en total pa lokual ta trata finansiamentu di sosten for di Hulanda, Kòrsou a risibi 2 suma di 63 mion florin. Un suma di 114 mion. Un suma di 144 mion i na novèmber último un suma adishonal di 286 mion florin. Ku e finansiamentu  menshoná, Kòrsou ta sera su presupuesto di likides sin un défisit, pendiente mas finansiamentu hulandes.

Pa lokual ta trata e programa pa sosten di gastunan fiho, Cft a presupues pa Òktober i Novèmber kada unu 8 mion florin i pa desèmber 7.5 mion florin. Esaki ta un total di kasi 24 mion florin. E suma aki ta ekskluisvo e suma pa e programa normal di NOW ku tambe ta kontinuá normal durante desèmber i kisas 2021 e promé kuartal.

Login