Back to Top
Responsive image
E korant di pueblo

26 mion a bai te awor na sosten individual


March 10, 2021 • 2 minüt pa lesa

Willemstad,– Señora Mariella Olaria Maduro di sektor empresarial a bisa ku e sosten pa empresario individual den e promé tres lunanan tabatin mas ku 3000 petishon, pero for di yüni esaki a stabilisá na mas o ménos 1600, pero den desèmber esaki a subi un poko, mirando ku hopi lugá a sera i den desèmber a duna un total di 2 mion florin èkstra.

Pa loke ta yanüari i febrüari e aña aki, señora Olaria Maduro ta bisa ku e kantidat di sosten a stablisá atrobe na 1600 petishon. Febrüari tabatin un problema chikí ku e link i a haña 1500 petishon.
Den 2020 a duna 23 mion na sosten i pa e aña aki te awor a duna 3 mion na sosten pa empresario individual. E sektornan ku a sigui ta esun di transporte, musikonan i esnan ku ta traha na bootnan den Punda bendiendo kos ku turista.

Tambe señor Mariella ta splika ku a sigui ku e parti di konsientisashon i a mira una adelanto. Petishonnan ku tabata drenta kurú, awor ta drenta basta kompletu.

Tin tambe e areglo di krédito i e portal ta habri pa kubri e periodo aki di Covid. Un total di 454 petishon a drenta di kual 75 a keda otorgá. Hopi biaha falta di bon atministrashon ta pone ku e kompania no ta haña e fiansa deseá. Tambe tin ku no ta kòrda ku e fiansa ta pa bo pasa e periodo di Covid i ku si bo tabatin problema promé ku Covid, bo no ta haña e fiansa aki.

Tambe tin e sosten na empresarionan bou di mi negoshi, akinan tin e pul di koachnan kaminda empresarionan por haña 24 ora di coaching grátis. E ta splika ku tòg ainda tin hende ta ku problema pa ku entregá di nan petishon, i p’esei a wak kua koach ta disponibel l pa duna e personanan 4 ora pa nan por haña mas coaching i nan mes por skohe tambe e coach ku nan ta deseá for di un lista. En total te awor a inbertí mas o ménos 400 mil florin pa yudansa di nos empresarionan

Login