3 di e 49 ilegalnan a keda detené pa posiblemente ta relashoná ku akusashon nan kriminal.

SAN JUAN – E Warda Kosta estadounidense na San Juan a informá ku den oranan di djaweps tras di lomba, agente nan a sa do repatriá 46 migrante pa Repúblika Dominikana ku a keda detené resientemente den nan intento di yega kosta nortost di Puerto Rico, di forma ilegal.

Segun a keda detayá pa warda kosta den un komunikado pa prensa, un avioneta di nan a tuma nota di un embarkashon sospechoso na 34 mia di Aguadilla, na nortost di e isla.

Despues di esaki, embarkashon nan di Warda Kosta, meskos ku algun di Base Aereo Borinquen a keda mandá pa uni nan mes na e operativo.

Di e forma aki, warda kosta a sa di topa ku 49 migrante ku tabata biaha abordo di e embarkashon sospechoso.

Despues, e grupo di migrante a keda trasladá pa e embarkashon Joseph Texanos, di Warda Kosta. No opstante, 3 di e 49 ilegal nan a keda entregá na agente nan di CBP pa posiblemente ta relashoná ku algun akusashon kriminal. Esaki miéntras ku e restu a keda transportá pa e Armada Dominikana.