Parti di e grabashonnan.

ESTADOS UNIDOS – E abogado nan di un detenido na un prizòn di Georgia, kende nan a keda grabá pa kámara nan di seguridat risibiendo diferente sla na altura di su kabes i garganta na man di wardadó nan di prezu, a pidi pa kore ku e agente nan aki i pa detené nan. Esaki insistiendo ku e video nan ta mustra ku e tabata un maltrato inhustifiká.

Jarrett Hobbs, un hòmber di koló i di 41 aña di edat di North Carolina, a drenta den e prizòn di e kondado di Camden, na kosta di Georgia, dia 3 di sèptèmber, pa kargo nan di infrakshon di tráfiko i poseshon di droga. E video di seguridat di e anochi aki ta mustra Hobbs para su so na un sèl, promé ku sinku wardadó di prezu a drenta koriendo i rondon’é. Aki el a keda maltratá promé ku el a keda saká for di e sèl i mandá kontra un muraya.

Dos di e ruman muhé nan di Hobbs a uni nan mes na nan abogado nan den un rueda di prensa, den kua a indiká ku nan ke hustisia pa nan ruman.

E sheriff di e kondado di Camden, Jim Proctor, kende ademas ta supervisá sentro nan di detenshon i e Ofisina di Investigashon di Georgia, a anunsiá ku nan ta realisando investigashon nan separá.

E abogado nan di Hobbs ta puntra nan mes dikon e sheriff no a investigá promé, teniendo na kuenta ku e insidente ku Hobbs aki a keda registrá mas di dos luna pasá.

E kontenido di e imágen nan, segun registro nan di tribunal, e wardadó nan di prezu a drenta dia 3 di sèptèmber último den e sèl, paso Hobbs tabata batiendo e porta nan ku skòp i no a duna oido na òrdu nan duná na dje.

Durante mayoria parti di e video, Hobbs apénas ta keda mirá ya ku e tabata rondoná pa su agresor nan.