BRABANT—Ministerio Públiko ta sospechá 5 hòmber di Noord-Brabant di envolvimentu den trafikashon i kontrabanda di hende riba gran eskala.

Sigur 13 dama di Sur-Amerika i unu belga a pasa di kontrabanda pa Hulanda, pa nan bai traha den prostitushon. Segun Ministerio Públiko a keda determiná ku den kaso di mas ku 5 dama ku nan a keda malusa seksualmente. OM no ta eskluí ku tin mas víktima. E kaso a mira lus ora e dama belga a hasi denunsia den yüni 2023 di eksplotashon seksual. El a keda maltratá pa un hòmber pasobra e no a dun’e e plaka ku el a gana ku prostitushon ilegal. E deklarashonnan di e dama a hiba polis na e 5 sospechosonan. Den aprel 2024, 4 hòmber entre 25 pa 34 aña di Sint-Oedenrode, Veghel i Helmond a keda detené. Den yuni 2024 polis a detené un hòmber (32) di Sint-Michielsgestel. E damanan di entre otro Venezuela i Colombia tabata keda den kasnan den varios parke di vakashon den Oost-Brabant, pero tambe den kasnan na Nijnsel i Boerdonk. For di e lokalidatnan e damanan tabata traha komo escort pa klientenan. E grupo di hombernan ta keda sospechá di partisipashon na un organisashon kriminal. Nan tabata fasilitá trabounan illegal di prostitushon, ku avisonan riba internet. Tambe nan tabata kumpra ticket di avion pa e damanan i buska nan na airport. Kuater di e sinku sospechosonan mester a presentá djabierne dilanti hues den pro-forma. Tur e viktimanan entretantu a bai nan pais bek segun OM.