Back to Top
Responsive image
E korant di pueblo

5 polis miembro di Plug 5 arestá


February 28, 2021 • 2 minüt pa lesa

Punda—Manera Vigilante a menshoná, Bosero di Polis Imro Zwerwer a konfirmá ku 5 polis a keda arestá. Ta for di aña pasa tin un tim di reshèrshe pa ta mas eksakto e departamentu ku ta hasi investigashon interno tabata investigando un grupo di polis ku tabata wòrdu sospecha di a kometé diferente infrakshon pa kual a pone tur riba nonaktif.

E polisnan aki ku ta riba non aktividat, ta sospechá di no a kumpli ku prosedimentunan di supstansianan i propiedat ku a keda konfiská, dor di kibra ku privasidat di bibienda i kulpabilidat na ladronisia. E investigashon ta basá riba e trayekto tantu penal komo esun disiplinario. Miéntras ku e investigashon ta kontinuá, e polisnan aki a keda suspendé den ehersé nan funshon.

Por a komprondé ku e grupo di Polis aki ku ta konsistí di seis polis (5 aresta)  maskulino i unu femenino lo a hasi nan mes kulpabel na keda ku artíkulonan ku a keda konfiská sin entrega esakinan na e departamentu konserní. Tambe di a drenta bibienda di hende sin tabata e pèrmit nesesario pa hasi esaki esta den disposishon di un “ last” i tambe di e hòrta suma nan di plaka ora a tene entrada hudisial den bibienda. Un di e kasonan ku ta den investigashon ta ku un di e habitantenan unda a drenta su kas mester a bai e departamentu di BIZ pa asina por a entrega un denunsia. E habitante esta víktima a splika ku e grupo di Polis aki a drenta den su kas bou di e preteksto ku ta trata di un entrada hudisial en konekshon ku violashon di e lei di droga i tambe arma di kandela. Durante investigashon segun e denunsiante enbèrdat a bin topa ku droga i tambe plaka kual tur dos a keda konfiská. Loke ku a keda straño ta ku na final ora e la puntra kon bini ta bai ku e droga i tambe e plaka sin detené a dun’é komo kontesta ku e tim di e departamentu di narkótika lo pasa serka dje ya ku nan a tuma tur su datonan kaba i asina a bai ku e droga i tambe e plaka.



Login