Willemstad,– Señor Elbert Sambo miembro di e tim di maneho di Kuerpo polisial a bisa ayera durante rueda di prensa ku ta importante pa pueblo sa kon Covid a afektá kuerpo polisial tambe riba e tareanan ku nan tin.

E ta bisa ku Covid a hasi su entrada den kuerpo polisial tambe na luna ougùstùs i a sigui durante lunanan ku a sigui. A registrá for di ougùstùs te awor 190 kaso di kual 131 a bai den karentena. Tambe tin 59 kaso ku a tèst positivo. Na e momentunan aki tin 3 persona den karentena, pues a yega 193 kaso, e tres nan último aki mester wak ainda si nan ta tèst negativo òf positivo.

Pues señor Sambo ta bisa ku ta konkluí ku e esfuerso ku otro koleganan mester a hasi a bira mas.