ZAANSTAD—Na Zaanstad, Tilburg i Amsterdam 600 famia pober lo haña tur luna 150 euro èkstra durante dos aña, sin kondishon.

E Kansfonds ta finansiá pa Postcodeloterij. E partisipantenan na Zaanstad entretantu a haña e promé kompensashon. Kansfonds kier sa ku e eksperimento kiko ta pasa si hendenan ku ta biba den pobresa haña ekstra plaka sin kondishonnan. E eksperimento a keda implementá na Merka, Canada i paisnan skandinavio i den Hulanda tambe riba eskala chiki. E resultadonan no ta kla. Den algun proyekto hendenan ku tabata biba den pobresa ku a haña ekstra plaka a bai buska trabou i tabatin menos kehonan di salu. Muchanan a presta mihó na skol. E pregunta ta si efektonan ta meskos tur kaminda. Segun Ofisina sentral di planifikashon CPB tin 800.000 hende ta biba den pobresa den Hulanda di kua mas di 200.000 mucha. Regularmente nan tin falta di plaka pa tur gastunan. Pobresa ta duna stress i otro kehonan di salu. Hendenan den pobresa ta muri yong i ta biba ku problemanan di salu mas kompará ku otro hende. Pa Evita ku hende ta biba den pobresa, tin kompensashonnan i varios areglonan ku ta varia pa munisipio. Hopi biaha e proseduranan ta burkratiko. Gran parti di e sosten no ta bai pa esnan ku tin derecho. E 150 famia ku a haña e sosten na Zaanstad ta mayor soltero ku onderstant. Despues di dos aña e regalo ta baha poulatinamente na sero.