Back to Top
Vigilante banner image

75 mion florin presupuestá pa invershon tambe ta kore peliger


June 30, 2021 • 1 minüt pa lesa

Miguel Jackson: “Kòrsou no tin tempu. Mester hasi invershon”.

Punda—Pa 2021, konforme e presupuesto di likides, Gobièrnu di Kòrsou tin intenshon di invertí kasi 75 mion florin di yüni te ku desèmber. Segun Miguel Jackson di Servisio pa Finansas Públiko, e programa di invershon por kambia, pero e mester tuma lugá, anke Cft ke kambia e skema programa.

Miguel Jackson ta e eksperto públiko enkargá ku e presupuesto pa invershonnan di Gobièrnu. Segun e presupuesto di likides, pa kada luna tin un suma presupuesto di invershon. E suma ta entre 3.4 mion florin mensual i ta yega te 43 mion florin programa pa desèmber 2021. E eksperto públiko, no tabata por a duna kontesta dikon na Desèmber e presupuesto di likides ta apuntá un suma asina haltu pa desèmber. Segun Jackson , e presupuesto ta un prekalkulo ku por kambia i no ta un informashon fiho. E ta wòrdu adaptá segun realidat.

Kòrsou ke sigui e trayekto di Pakete di pais, konforme akuerdonan firma na novèmber 2020. Esei ta nifiká pa kuminsá invertí den e proyektonan pa e.o. stimulá ekonomia. Pa rasonnan deskonosí, Cft ke skùif e programa di invershon. Segun Jackson: “Kòrsou no tin tempu”. E programa di invershon no ta forma parti di e Sosten Finansiero for di Hulanda, pero e ta por wòrdu afektá si Kòrsou kai 168 mion kòrtiku dor di keda sin haña e fiansa. Asina por ehèmpel tin un suma di kasi 8 mion pa invershon durante Yüni, pero Kòrsou ta den un défisit final di Yüni di 10 mion florin i na Yüli 52 mion florin. Minister Javier Silvania a bisa ku “mester hasi eskoho i ta un tarea difísil”.

Login