Back to Top
Vigilante banner image

8 lote di 466 kilo kokaina konfiská den haf


January 10, 2025 • 1 minüt pa lesa

ROTTERDAM—Den último simannan Duana a interseptá 8 lote di kokaina den haf di Rotterdam. Ta trata di total 466 kilo di kokaina.

Ademas a konfiská un kantidat di kokaina den stropi di suku. E droga tin un balor di 11,5 mion euro segun Ministerio Públiko. E promé konfiskashon tabata 2 yanüari durante kontrol di duana den un konteiner ku bakoba di Costa Rica. E karga tabata destiná pa un kompania den Hulanda. Duana a haña 50 pakete sigui pa un investigashon. Dia 4 yanüari a detektá un hòmber ku kier a habri un konteiner. E hòmber (20) a keda detené pa Duana. El a keda presentá 8 yanüari na hues komisario ku a determiná ku ta prolonga su detenshon. Dia 2 yanüari duana a interseptá un lote di kokaina den un karga di suku prosedente di Santo Domingo. Ta trata di 550 kilo likido. E karga tabata destiná pa Spaña via un kompania den Rotterdam. Tambe a haña un konteiner for di Surnam dia 2 yanüaro ku 84 kilo kokaina den kuminda. Dos sospechoso di Boxtel a keda detené ora nan tabata droga for di konteiner. Un tep anónimo a kondusi dia 3 yanüari na un konteiner ku bakoba ku 47 pakete di kokaina. Un dia despues 41 pakete. Dia 6 yanüari a deskubrí un lote di 130 pakete kokaina riba un barku prosedente di Colombia. Fin di desèmber  tambe a haña droga for di Costa Rica den heru bieu ku 109 pakete kokaina. Entretantu a destruí tur e lotenan. E tim di Duana, FIOD, polis di haf i OM Rotterdam ta sigui ku investigashon.

Login