SOMEREN—Duana a konfiská un lote di 8 mion sigaria ilegal den un lots na Someren, Brabant.

Si a bende e lote aki riba merkado hulandes, estado lo a pèrdè 3,6 mion euro na belasting. Dos sospechoso a keda detené. Polis tabata hasiendo un investigashon den e lots ora agentenan a haña e sigarianan. Tabatin un total di 22 palet ku total 7.9 mion sigaria di diferente marka, tur sin zegel di belasting. Pasobra kobransa di e tipo di belasting aki ta tarea i duana, polis a pasa e kaso pa e departamento. Tur dos sospechoso, un hòmber (45) di Polonia i un residente (47) di Helmond, a ked detené den e lots. E polako tabatin gran kantidat di medisina prohibí i un aparato pa blòkia komunikashon. E ta enkarselá riba sospecho di violashon di lei di remedinan i lei di telekomunikashon. Duana a interogá e sospechoso di Helmond i ta traha un proses-verbal kontra dje pa violashon di lei di belasting, segun Omroep Brabant. E sigarianan ku duana a konfiská lo keda keda destruí.