HENGELO—Un hòmber (24) di Hengelo a keda detené riba sospecho di froude i estafa, segun outoridatnan polisial.
Ta trata di un invershonista di crypto, ku posiblemente a estafá miones di euro di 300 kliente. E hòmber tabatin e reputashon di un genio finansiero den crypto den su área. Su klientenan tabata inverti 5000 euro òf mas pa e sospechoso invert den monedanan virtual. Pero finalmente nan a mira nan invershon disparsé. Ta trata di un kalkulashon di entre 1,5 pa 4,5 mion euro. Hustisia ta kere ku ta un estafa segun Omroep Oost. E kaso a mira lus ora e hòmber a manda un mail pa su klientenan den kua e ta informá nan ku e kapital kompleto a bai pèrdí. Un grupo di 100 kliente perhudiká a uni den un fundashon Onderzoeks Collectief Hengelo a buska un abogado. Komienso di 2024 e hòmber mester a bai skonde pasobra vários kliente perhudiká tabata buske. Den konsulta ku polis el a keda akomodá den un lugá ku vigilansia. Entretantu, a start un investigashon ku a kondusí na su detenshon. E ta den interogashon. Un di e akusashonnan ta ku el a tuma mas kliente na momentu ku e kompania tabata bai bankarota.