Willemstad, — Djadumingu 30 di òktober 2022 alrededor di 20.22’or, Sentral di Polis a risibí informashon ku tin un hòmber ta maltratá su pareha na un establesimentu riba F.D. Rooseveltweg. Mesora sentral di polis a dirigí un unidat na e sitio. Na yegada di e unidat, a topa ku un dama ku leshon na garganta, nanishi i pechu.

E dama a konta polis ku durante di un diskushon ku su pareha e mester a menas’é ku morto, maltrat’é i destruí su blusa. Durante e maltrato di e dama personanan ku tabata na e sitio lo mester a sali na defensa di e dama i a kuminsá bringá ku e hòmber aki. A konsekuensia di esaki e hòmber aki a sufri leshon na altura di su wowo. Na e sitio a detené e hòmber sospechoso R.F.J.M., nasé na Kòrsou di 34 aña di edat, relashoná ku e kaso ariba menshoná. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.