Back to Top
Vigilante banner image

A detené un sospechoso den investigashon di morto di Mike Venema


May 28, 2024 • 1 minüt pa lesa

Punda,–Djamars 28 di mei, polis a detené un muhé di 26 aña di edat den un bibienda na Rotterdam.

Ta sospechá ku e persona ta involukrá den morto di Mike Venema ku djabièrnè 5 di yüli 2019 a keda deskubrí den un pikòp den fondo di laman Karibe. Promé ku su desaparishon, Mike Venema di 53 aña di edat tabata biba de un apartamentu na Anasaweg Kòrsou, pero promé ku su desaparishon ya pa algun tempu tabata keda den un kas na Jan Sofat (resort). Despues di un investigashon ekstenso, polis ta konsiderá ku ta trata di un krímen. Despues di deliberashon ku outoridatnan na Kòrsou a disidí di hasi un investigashon konhunto.

Investigashon ekstenso
E detenshon ta resultado di un investigashon largu den koperashon estrecho ku polis di Kòrsou. E investigashon ta andando i no ta ekskluí mas detenshon den e kaso aki.

Atenshon den media
Den e programa investigativo Team West, Opsporing Verzocht i via di retnan sosial a pidi atenshon pa e kaso aki. Fundashon Peter R. de Vries tambe a pidi atenshon pa e kaso aki i a pone un rekompensa disponibel. Despues ku e petishonnan a sali polis a haña diferente tep. Regularmente polis ta traha ku medionan nashonal i regional riba e tereno di komunikashon investigativo. Di e manera aki, danki na tepnan risibí ta logra resolvé kasonan.



Login