E grupo a konta ku nan tabatin sinku dia bandoná na e isla.

SAN JUAN – E Warda Kosta di Estádos Unídos a informá di reskate di 12 migrante haitiano, shete hòmber i sinku muhé, ku tabata pegá na e Isla Monito, na Puerto Rico. Esaki despues ku nan a keda bandoná pa kontrabandista nan.

E reskate a forma parti di e esfuerso nan ku ta realisando pa vários agensia komo apoyo e Operashon di Warda di Caribe i e Grupo Interagensial di Frontera di Caribe.

E vigilante nan di Warda Kosta na San Juan, a keda alertá den ora nan di mainta pa agente nan polisial di Patruya Fronteriso di Estádos Unídos. Esaki nan a notifiká di un fogata na un reserva natural deshabitá.

E tripulashon di e embarkashon di Warda Kosta a investigá e echo i konfirmá ku tabatin un grupo di persona no identifiká. Despues di e reskate, e sobrebibiente nan a konta ku nan tin sinku dia bandoná na e sitio. Esaki no ta e promé kaso di e tipo aki, mirando ku último tempu kada siman di nobo ta haña diferente inmigrante den nan intento di yega Puerto Rico. Esaki sigur ta trese kuné, ku personanan ta kuminsá abusá i kobra esaki nan pa primintí nan di yega tera i inkluso ta bandoná nan.