Dai XIn Restaurant unda a risibí but pa laga  e kliente konsumí na e sitio.

Willemstad- Durante kontròlnan ku ta kontinuá pa ku e tim di kontròl forma pa MEO, UBW i KPC tin algu ku sigur ta keda bin dilanti kada bes.

Esaki ta e situashon pa loke ta trata e curbside delivery i tambe no permití kliente konsumí na e sitio. Ta diferente butnan ta keda repartí diariamente pa ku e situashonnan aki. Durante kontròlnan ku a keda ehersé a repartí un biaha mas 6 but. A kontrolá 6 establesimentu di kual un di nan so tur kos ta na ordu. E otro 5 establesimentunan a risibí but i un di nan a haña dos but durante kontròl.  Establesimentunan ku a risibí but pa permití kliente konsumí na e sitio ta Hua Xing Restaurant na Hispañolaweg,  Dai Xin Restaurant B.V.na Caracasbaaiweg i Ruan Fu Wah na Hispañolaweg  unda esaki a risibi but pa orario di sera. Pa loke ta trata esnan ku no ta apliká curbside delivery ta Super Mi Lucha na Winston Churchillweg, Raykie’s Grill & Salads na Kaya Max Henriquez. Tambe mester a plama aglomerashon dilanti Da You Minimarket na Herst.