Segun e trahadó nan a traha basta duru pa te ku awe no a haña nan pago.
WILLEMSTAD—- Vários ta e trahadónan ku a kumpli ku e trabou di limpiesa te awe no a haña nan pago segun nan a trese padilanti.
Trahadónan di e kompania di limpiesa no ta masha kontentu ku e trato ku nan ta risibiendo despues di a traha ku alma i kurpa i te ku awe no a haña e pago korespondiente. Ta trata di e trahadónan di e kompania di limpiesa kual a pone basta preshon riba nan pa asina nan traha di dia di anochi pa por a rekohé shushi i limpia pa ku e yegada di famia Real. Loke ku a straña nan ora nan a stens i spera e pago esaki te ku awe no a tuma lugá. Esei a pone ku nan a trese esaki padilanti pa wak si maske ta asina ainda nan por haña pago di lokenan a traha pe.
Segun e trahadónan ta basta duru nan a traha pa asina limpia pa ku e yegada di Real pero te ku awe no a mira nada. Na final e trahadónan a splika ku pa pone bon kla ku nan ta trahadó di e kompania di limpiesa Selikor i nan a traha pa Selikor i no pa niun kontratista. Awe a keda di tuma kontakto ku e kompania di Selikor pa asina wak kiko por tabata e problema ku e trahadónan no a haña nan pago konforme loke a primintí nan.