WILLEMSTAD,—-E popular kantante den e género musikal di ámbito di Kòmbèk, Aisly “Ash” Rooi, mañan anochi lo bai ta den diferente kas, durante di su presentashon den e Konsierto show “Fiesta na Kas”. E show ta kuminsá 9 or en punto.

Durante di un kombersashon ku Vigilante Farándula a sostené ku e popular kantante “Ash”, el a duna e siguiente deklarashon, “Lagami sali yama un Danki di Kurason na gerente di Korant Vigilante, pa ku e bunita gesto aki. Pa loke ta trata djarason awor, keremi ku tantu mi persona, pero tambe e otro un artistanan lo bai duna tur ku tin, pa asina laga esunnan na Kas na ki parti mundu ku nan ta, sinti nan den un tremendo fiesta bailabel. Mi ta bon prepará i mi ta bin tur ku tin, pa asina nan sinti “Ash” te den nan kas. Mas ku klaro lo mi kanta mi hit di momentu ku ta e piesa “My Love For Live”, ma komprendé ku mi ta habri kuné i alabes sera kuné tambe, pero esaki ta den man di e promotornan. Ami no or warda pa djarason yega pa kaba i mi tin sigur ku e otro seis kantantenan tambe tin e mes un pensamentu. Nos ke trese gosa, ambiente i mas ku tur kos, e Amor musikal den kada kas, pues no a keda abo nada otro di aboná riba e plataforma di Vigilante Online, pa asina bo gosa di 7 kantante ku sigur lo bai lagabu sintibu den kualke un di e sitionan kaminda ku fiestanan sa tuma lugá”.

Esaki sigur ta un bunita gesto di parti Korant Vigilante. Kaminda ku nan ta habri porta pa asina nos mes un artistanan por presentá riba nan plataforma. Esaki sin duda por lo pronto lo bai bira e plataforma ku artistanan lo bai hasi uso di dje, práktikamente artistanan di tur parti di mundu ya a kuminsá ta pone nan shownan kaba riba e manera virtual. COVID 19 a poné ku por lo pronto nos artistanan lokal tambe mester kuminsá pensa den e direkshon aki. Esta Konsierto i shownan virtual.