Akusado Maria ku tabata den korte pa arma di kandela.

Nieuwe Haven—Korte a dikta  sentensia   kontra di e akusado  Reyshen Ryron Maria ku  ta wòrdu akusá di tabatin un arma di kandela den su poseshon na momento di e keda detene.

Tabata djamars 27 di òktober 2020 alrededor di 00.20’or polis durante di nan kontròl rutinario a nota un vehíkulo koriendo riba F.D. Rooseveltweg ku dos hòmber aden. Tabata na e momentu ei ku e unidat polisial a nota ku okupantenan di e vehíkulo tabata aktua sospechoso na momentu ku nan a mira e unidat i a purba hisa velosidat pa bai for di e sitio. Polis a para e vehíkulo aki i durante un kontròl den e outo, polis a haña i konfiská un arma di kandela ku bala skèrpi hinká den un tas, i tambe droga. Na e sitio polis a detené 2 hòmber di kual ta e akusado R.Maria i e hòmber J.A.T. di 32 aña di edat. E otro hòmber a keda liberá i e akusado di a keda sera debí ku e arma di kandela i e droga tabata di dje.

E akusado a duna di konosé ku e la kumpra e arma di kandela aki pa gewon i paso e tin kabritu, paso segun e akusado awendia tin hopi hende ku ta hòrta kabritu. E la splika tambe ku e la mira un chòler ku e konosé ku un arma di kandela i e la bisé bende e esaki ya e por tin e. Wes a bisa e akusado ku e ta mira ku  resientemente e tabata den man di hustisia i ku no tin hopi tempu a pasa. E la splika ku e ta haña Maria hopi yòn pa kada biaha e ta kai den man di hustisia. Te asta wes a hasi e hóben e pregunta di kiko e lo ke hasi su bida pa ku su futuro. E hóben a duna di konosé ku e no sa kiko e lo ke hasi. Wes a splika ku e ta haña e situashon nan aki hopi grave ku hóben nan a bira awó ta den prizòn nan ke bai i no ta pensa riba nan futuro.

Fiskal a bisa ku e hóben aki lo mester haña un yudansa di reclassering mas lihé ku ta posibel paso no ta asina ku den korto tempu e la bolbe kai den man di hustisia. Fiskal a pidi un kastigu di 18 luna inkondishonal i tambe guia di reclassering. Wes mr. Smid no a honra e petishon di fiskal i a duna e hóben un kastigu di 15 luna inkondishonal kitando aresto preventivo. Despues ku wes a duna sentensia e la bisa e hóben ku si e la komprondé e kastigu i si ku e ke bai apelá. E hóben a bisé wes no e kastigu ei mes ta bon.