Nos no a sali for di “nowhere” ya komo nos tin eksperensha 5 pa 6 aña ku e produktonan ku ta bayendo super bon na Aruba.

WILLEMSTAD,— alltocar ta un kompania nobo na Kòrsou pero ku tin mas ku 5 aña di eksistensia na Aruba. Vigilante a hiba un entrevista ku representante di e kompania na Kòrsou. “Nos no a sali for di nowhere ya komo nos tin background di 5 pa 6 aña ku e produktonan ku ta bayendo super bon. Nos kompania tin 6 aña plùs di eksistensia. Nos a kuminsá komo un kompania universal di kual nos tabata bende tur marka i despues den ménos ku aña i e kresementu nos a bai over na un dealership den outo eléktriko ‘Neta’. Na e momentunan aki nos tin un filial na Kòrsou, un filial mas grandi na Aruba i awor nos ta den proseso ku e filial na Boneiru”.

No mester tin miedu di kore outo eléktriko

Nos tin e kustumber di kore ku gasolin i kore bai pòmp di gasolin i sigui kore. Outo eléktriko no ta asina fásil pero no ta difísil tampoko. Tin un sistema di charge ku bo por hasi na kas òf riba kaya. No mester ta un miedu pa kore outo eléktriko pero ta trata di adaptá bo mes un tiki, i sa kuantu bo ta kore ku bo outo eléktriko. Ora bo sa kuantu km bo ta kore ku bo outo bo por kis bo sistema di charging ku ta pas mió ku bo. Riba kaya tin sigur alrededor di 30 pa 40 charging posts rònt di nos isla kaba. Sambil, Blue Bay, TUI, ta organisashonnan ku tin charging posts i asina tin mas organisashon ku ta den e proseso ku ta  pone mas charging post rondó di nos isla. E momentu ku bo kumpra un outo eléktriko ta importante pa sa ki charger bo ta bai pidi pe paso esaki ta bai a base di e kantidat di kilometer ku bo ta kore den un luna.

Hende lo mira kompra di outo eléktriko komo e miho ‘move’

Ora mas outo subi kaminda i mas kliente kumpra e outonan eléktriko, hendenan mes lo bai mira ku esaki ta e ‘move’ di mas mihó ku tin. Nos tin outo eléktriko pa famia ta entre otro e  marka Neta i Donfeng. Si bo tin  famia hopi grandi nos tin e marka BAW kual ta un vèn ku ta pa 7 persona pa 9 persona. Pa negoshinan tambe nos tin karga vèn di konstrukshon eléktriko.  Nos ta stress hopi riba e parti di tèst drive. Paso esaki ta importante pa e kliente sa lokual e ta bai kore i kumpra. Nos no ta bende bu un outo sin e tèst drive i esaki kasi lo bende e outo su mes paso e persona ku a hasi e tèst drive mes lo mira ku e outo ta perfekto i e kambio ku tur hende mester.

Benefisionan di outo eléktriko

Pa loke ta trata e gastunan na Aqualectra, personanan ta bai ta masha kontentu ora kuminsá kore outo eléktriko. Nos ta pidi feedback di kliente i e promé reakshon ta ku “e outo aki ta skapando mi di hopi sèn”. Por ehèmpel, tin hende ku ta yena kasi 100 florin pa siman na gasolin i awor ku nan ta hasi uzo di e outo eléktriko nan ta nota ku ta 40 florin nan ta uza na koriente. Al final e persona a skapa 60 florin di gasolin djis dor di a bai di gasolin pa koriente.

E bateria ta lokual ta hasi tur e trabou paso sin esaki e outo eléktriko no por kore. Un 20 pa 80 porshento di karga di bateria mes ta sufisiente pa e outo kore. Si bo laga bo outo eléktriko ku karga entre 20 pa 80 porshento di karga konstantemente, e bateria ta keda ku bida largu. Esaki tambe ta un benefisio.  Un otro benefisio ta ku komo e outo no ta kore riba gasolin no tin service bùrt. Den e service bùrt di e outo eléktriko tin ménos kos di wak kompará ku e outo ku ta kore riba gasolin. E service bùrt ta kuminsá na kada 7000 km i ta wòrdu hasí