Momentu ku e alumnonan tabata haña splikashon di e mundu di prensa.
Saliña- Den oranan di ayera merdia Sr. Lilo Sulvaran di Vigilante tabatin e honor pa asina duna alumnonan di klas 3 di St. Paulus VSBO informashonnan importante tokante e trabou di prensa.
Un grupo di mas o ménos 15 alumno a sinta ku hopi atenshon i haña e splikashon kiko ta nifiká e trabou di prensa ku sigur ta basta amplio. Sigur 3 parti importante ku nan mester a definí ta kiko ta informashon, kiko ta notisia i kiko ta redu? Enkuanto e splikashon ku nan a risibí por bisa nan mester traha un prueba pa ku esaki unda nan ta tin oportunidat pa hasi preguntanan mas dirigí. Tambe Lilo a splika e libertat di prensa kiko esaki ta nifiká i libertat di ekspreshon tambe ku ta dos parti diferente. Na e momentu nan aki por bisa ku Medio Sosial ta dominando e mundu kompletu i tambe a splika kiko lo bai pasa aki un par di tempu ku e korant ku ta drùk tur dia i e manera di trese notisia kon mas diferente mester ta pa keda mantené bo públiko. Sr. Lilo Sulvaran a hasi un super bon trabou di tabata e alumnonan su maestro pa un par di ora.