Back to Top
Vigilante banner image

Amigu di Tera preokupá ku lèntfel klandestino na Seru Papaya


May 23, 2024 • 1 minüt pa lesa

PAPAYA—Segun presidente  di Amigu di Tera, Yvette Raveneau, poko poko nos ta keda konfrontá ku un negoshi formal di kriminal di shushi ku ta hasi manera nan ke i ta konfia ku tòg instanshanan no ta aktua i ku tòg no ta kastigá niun hende.

Mei mei di e bario Seru Papaya a reis un lèntfel formal despues di hopi aña di dùmpmentu di shushi sistemátiko i ilegal. Na 2011 ora por fin gobièrnu a skucha e kehonan di komunidat polis a drenta Seru Papaya i a sali bèk, i nada no a kambia. Algun aña despues dia ku Minister di medio ambiente di e tempu ei dr. Whiteman a bai tira un bista, e malhechornan a menas’é abiertamente. Mas despues meskos a sosodé na Dam Pretu ku otro outoridatnan. Kriminalnan di shushi ta brasa ilegalidat i ta yama gobièrnu afó. Mester para e práktikanan akí awor mes. Mas grandi e nogoshinan di shushi ilegal bira, mas difísil ta bira pa aktua. Terenonan ta sigi degradá, e kantidatnan di lèntfel i kandelanan di lènfel ta sigui oumentá. Kòrsou ta bira inhabitabel.

Amigu di Tera ta spera ku ta gara i persiguí e malechornan ambiental ku man duru i ku lo hasi lo tur loke ta posibel pa restorá e situashon original di e área di Choloma. Mester bini ku un maneho preventivo i severo mas pronto ku ta posibel. Si esaki no sosodé, kada bes lo sigi yama gobièrnu afó i asina mina su outoridat.

Login