Back to Top
Vigilante banner image

Ámtenar na Kòrsou ta karu


December 1, 2023 • 2 minüt pa lesa

Kompará: Hulanda su kota di impuesto na salario públiko ta muchu mas abou ku di Kòrsou.

PUNDA—E nivel di salario kolektivo anual di ámtenarnan na Kòrsou ta haltu kompará ku Hulanda. Na Hulanda 14% di lokual e por kobra na impuesto ta bai na pago di ámtenar. Na Kòrsou e kota ta na 31%, lokual ta indikativo di ta haltu.

Hulanda ta paga un suma di kasi 35 miar euro na salarionan anual di ámtenar miéntras nan ta kobrando por medio 243 miar euro na impuesto. Na Kòrsou e suma di salario entre 2020 pa 2022 a varia di entre 475 mion florin pa 530 mion florin miéntras e suma di anual di kontra impuesto promé ku Covid tabata alrededor di 1.5 miar florin. E sifranan ta indikativo ku Kòrsou ta pagando demasiado di su sènnan kobrá na salario di ámtenar, esei ta eksklusivo indeksashon. 31% di lokual Kòrsou generá na impuesto pa aña ta bai pa finansiá salarionan di ámtenar. Kòrsou pro medio ta generá kasi 1.5 miar na impuesto kual ta for di impuestonan dirèkt i indirèkt. For di 1.5 miar anual na  entrada, entre 475 pa 520 mion ta bai na pago di salario lokual ta 31%.

Durante Covid,  debí na pronóstikonan negativo Kòrsou a generá ménos entrada. Konforme pronóstiko  di departamento di finansas por ehèmpel pa 2020 Ontvanger di Kòrsou lo mester a kobra 1.1 miar so na impuesto. Na 1.1 miar di impuesto, 475 mion na salario di ámtenar ta nifiká ku e porsentahe a bira 43% durante Covid. Pa kalke pais esaki ta un kosto hopi haltu, anke situashon di Covid a afektá tur sektor den Produkto Nashonal Brutu generá.

Esakinan ta unu di e motibunan mas prinsipal ku gobièrnu di Hulanda ke mira un kòrtamentu den salario di ámtenar pa duna gobièrnu di Kòrsou mas espasio di por kumpli ku su debernan sin mester pidi fiansa riba merkado di kapital.

Foto van Huffelen

Login