Back to Top
Responsive image
E korant di pueblo

Ansu Fati a biaha pa Porto i a realisá otro 'artroscopia'


May 7, 2021 • 1 minüt pa lesa

PORTO – E atakante di e ekipo Barcelona, Ansu Fat, ayera a biaha pa Porto (Portugal) i a bolbe realisá un revishon klíniko di e rudia lenks, segun e kuerpo médiko di e ekipo katalan a informá.

E hóben futbolista di 18 aña , a keda intervení na e parti interno di su meniskùs di e rudia lenks dia 09 di novèmber último pa e dòkter Ramon Cugat, despues di a sufri un leshon dos dia promé durante e enkuentro bálido pa LaLiga kontra Betis.

Na e okashon ei a pronostiká ku Ansu Fati lo pèrdè kuater luna di akshon. Sinembargo, Ansu Fati no a logra kumpli ku ningun di e pronóstikonan di rekuperashon ku a keda premirá. Esaki ta debí na algun problema ku a surgi na e zona afektá despues di e operashon realisá dia 09 di novèmber último.

Despues di a realisá vários tratamentu konservadó i di akuerdo ku e kuerpo médiko di Barça, e hóben atakante a disidí di biaha pa Porto pa aki e bolbe realisá un ‘artroscopia’ nobo. Na e okashon aki esaki lo keda realisá pa e dòkter Jose Carlos Noronha, un traumatólogo spesialista den e tipo di leshonnan aki.

E ophetivo prinsipal ta ku Ansu Fati lo a keda intervení kirurgikamente ayera na su rudia lenks pa asina por bolbe inisiá ku e preparashonnan pa e próksimo temporada huntu ku su kompañeronan.

Login