Back to Top
Vigilante banner image

Aparte di “duurtetoeslag” COHO lo sigui kòrta den gastunan di ámtenar


February 18, 2021 • 2 minüt pa lesa

Konsehero di gobièrnu, Daisy Tyrol

Punda—Unu di e metanan di COHO, ku ni konsehero Daisy Tyrol Carolus ni tampoko Promé Minister Eugene Rhuggenaath a menshoná ta redukshon di e asina yama “public wage bill” di Kòrsou. Esaki e Lei di Konsenso COHO lo trata na alkansá mediante e Pakete di Pais, ku dos siman pasá Promé minister Rhuggenaath a informá riba dje mediante un rueda di prensa.

 E “public wage bill” ta un standardisashon pa mantené un bahada struktural salario den sektor públiko i suavisashon di e kondishonnan di trabou pa e sektor.  Gobièrnu di Kòrsou, firmando na novèmber último  ta di akuerdo  pa introdusí e sistema tambe na Kòrsou. E tarea aki ta forma un parti integral di e Pakete di Pais komo sup sistema pa ehekushon di COHO. Segun Hulanda, e gastunan di sektor públiko di Kòrsou ta demasiado haltu kompará ku e área di Karibe.  Esaki pasobra e “public wage bill” di Kòrsou ta demasiado haltu, den otro palabra ámtenarnan ta kobrando demasiado sèn. Mediante Pakete di Pais, Gobièrnu di Kòrsou a firma pa baha e salarionan kolektivo di ámtenar te na 10% di e Produkto Nashonal  Brutu Interno di Kòrsou. Esaki ta un norma den área di Karibe, segun e dokumento firmá ma Novèmber último. Pa tal motibu e meta prinsipal di COHO relashoná ku gastunan públiko ta pa baha e nivel di kosto den sektor públiko, entre otro salario.

E desishon ta preskribí amplio den e splikashonnan kual a forma parti di e dokumentashon firmá ma Novèmber último. Pero e deskripshon ta falta na menshoná spesifikashon di e bahada. E Produkto Nashonal Brutu Interno di Kòrsou pa 2019 tabata kasi 5.5 miar florin i pa kabes nashonal ta igual na 30 mil florin anual. Relashoná e Produkto Nashonal Brutu na e forsa laboral di 73 mil persona ta resultá den kalkulo di 75 mil florin anual pa “capita” laboral. Konforme e último kálkulonan di gobièrnu te ku desèmber 2020, a paga un suma di 442 mion florin na kompensashon di ámtenar kual ta bou di 10% “public wage bill” kolektivo pero na nivel individual ta otro. Si en bèrdat Kòrsou tin un aparato di ámtenar di 4 mil empleado, esaki ta enserá ku por medio, kada un ámtenar a kosta Kòrsou 110 mil florin anual. E suma aki si ta 25% mas haltu si relatá e Produkto Nashonal Brutu Interno na e forsa laboral. Pa tal motibu ta hopi importante pa organisasashonnan sindikal, investigá den kua forma e Pakete di Pais ta bai modifiká e aktual “public wage bill”.

Durante e rueda di prensa dos siman pasá gobièrnu a menshoná efisiensia di Aparato Públiko. Segun Daisy Carolus,  e idea ta pa baha gastu i oumentá e kalidat di servisio. Gobièrnu por hasi e ora ei muchu mas ku e pueblo. E fondonan públiko segun Tyrol no ta sufisiente. Na Kòrsou tin 70 mil persona den forsa laboral i fondonan akapará no ta sufisiente pa mantené esaki den operashon. Pa e motibu aki ta bai oumentá efektividat den kompanianan i servisionan gubernamental. E idea ta pa traha kualitativo i efektivo. Mester redusí gastunan di gobièrnu na 20% den e próksimo 5 aña, e eksperto a menshoná.

Promé Minister Eugene Rhuggenaath
Login