WILLEMSTAD—Ayera den oranan di atardi, tabatin e apertura ofisial di e promé edishon di Curaçao International Sports Week, organisá pa FDDK.

Esaki a tuma lugá den Convention Center di Sambil, na momentu ku minister a firma e dekreto pa e siman di deporte, ku e lema ‘Ban Move’, unda ku a dal un salú pa ku e okashon.

Seguidamente tabatin e promé aktividatnan te ku den oranan di anochi, ku entre otro moveshonnan den diferente ramo deportivo.

Mientras tantu e di 2 i 3 dia, awe i mañan, ta inisiá 11’or di mainta ku diferente aktividat i evento na Sambil mes, te den oranan di anochi, unda ku entrada ta grátis i un i tur ta bon bini.

Riba e kombinashon di fotonan, por mira e parti di apertura i algun parti di akshonnan ku tabatin ayera, riba e promé fecha di e siman, yená ku aktividatnan deportivo.