Back to Top
Responsive image
E korant di pueblo

Aqualectra hasiendo trabou di reparashon pa instalá meter inteligente


November 25, 2021 • 1 minüt pa lesa

Willemstad- Den kuadro di proyekto Advanced Metering Infrastructure (AMI) Aqualectra a introdusí meternan inteligente na Kòrsou. Despues di a inspekshoná e área rondó di e meternan na luna di òktober, Aqualectra a inisiá ku trabounan di reparashon den área di Abrahamsz i Sapaté. Esaki a start ayera 24 di novèmber.

E trabounan di reparashon lo dura mas o ménos dos siman. E trabounan por kousa inkumbiniensia pa suministro di awa i/ òf koriente na kas di e habitante konserní. No tin gastu mará na e trabounan di reparashon pa kliente. Aqualectra ta pidi diskulpa na klientenan ku por eksperenshá algu di molèster debí na e trabounan di reparashon na instalashon di e adrès spesífiko.

Durante di e inspekshon ku a tuma luga den luna di òktober a konstatá algun trabou di reparashon ku ta nesesario pa tuma lugá promé ku instalá e meternan inteligente di awa i koriente. Na momentu ku kaba ku e trabounan di reparashon den área di Abrahamsz i Sapaté, Aqualectra lo sigui ku e siguiente fase ku ta remplaso di meternan inteligente den e barionan. Na momentu ku kuminsá kambia meter, Aqualectra lo komuniká kontinuamente, direktamente i na tempu ku klientenan.

Login