Na momentu ku outoridatnan ta sakando kurpa for di laman.

Nieuwe Haven,– Un asesinato basta brutal a sosodé riba 18 di yüni 2023, kual a finalisá ku kastigu pa un mama i su yu. E mama a risibí un kastigu di 15 aña i su yu a risibí un kastigu di 12 aña. Pero awe e yu lo kuminsá bringa su kaso di nobo.

Tabata djadumingu 18 di yüni 2023 alrededor di 14.20’or, Sentral di polis a dirigí un unidat pa Playa Canoa, na unda un siudadano a nota un kurpa ta drif den laman i di kual su mannan i pianan tabata mará. Na yegada di e unidat, el a topa un kurpa di kua su mannan i pianan bèrdat tabata mará ku faha i e pia tambe tabata mara ku un strep kolo pretu  i ku ya tabata duna tur indikashon ku no tabatin señal di bida, ya ku e tabata drif riba su barika. Tabata trata di un hende hòmber ku tabatin manera algun tatuahe na altura di su chèst. Demas investigashon a resultá ku tabata e víktima, Sidney Dometilia, nasé na 29 di òktober 1962.

https://vigilantekorsou.news/dos-detenshon-kaso-asesinato-playa-canoa/?fbclid=IwZXh0bgNhZW0CMTEAAR3keVdINIAPqHs1AXweRKaGiYKVht_F2xjwNJ6nc2kYzTbivL3S2d8PrPc_aem_7mx3lKSzI08hP3IE8yfYSA

Outoridat no a dura mashá pa saka afó ku ta Yvolaine Jacobus i Gabrielo Jacobus lo tabata e sospechosonan prinsipal den e morto dje víktima. Apénas 1 luna den investigashon polisial ámbos persona a keda detené. Alabes a presentá ámbos akusado dilanti un fiskal ouskiliar kual a ordená nan detenshon kaminda te awe ámbos persona ta detené.

Remarkabel tabata pa nota kon e asesinato a tuma lugá i kon e akusadonan a deskribí e asesinato den e dossier penal. Segun deklarashon nan di e yu hòmber, Gabrielo Jacobus, den mainta di 18 di yüni 2023, su mama lo a yam’é i splik’é ku tin un diskushon andando den kamber kontra di e víktima. Dado momentu e víktima lo a trata na agredí e mama. Esaki a pone  ku Gabrielo mester a pusha e víktima kual a pone ku e la bai kita kai i dal su kabes kontra e pia di e kama di heru. Ora ku e víktima a trata di lanta fo’i suela Gabrielo a kue e víktima choka i a na dado momento a pone ku e víktima a bin pèrdè konosementu.

Momento ku Gabrielo tabata choka e víktima e akusado Yvolaine a pone un kusinchi riba e kara d e víktima kual a yuda pa e víktima bin pèrdè konosementu. esaki a pone ku e víktima no tabata move mas kual a pone nan kere ku e la fayesé. Mesora e mama a remarká ku e víktima tabata a fayesé i mesora a kuminsá mara e pia i man dje víktima i alabes buta un saku riba kabes dje víktima. Despues di esaki Yvolaine hasiendo uso di un opheto skerpi a hinka e víktima no ménos di sinku biaha na altura si su garganta kual a pone ku e kòrta e ardu mayó pone ku e la bin sangra muri. Outopsia a konkluí ku e víktima no a bin fayesé di e choka pero si di e hinka na su garganta.

Den promé instante fiskal a pidi un kastigu di 6 aña pa e yu, pero e hues a opta pa ekstendé esaki na un kastigu di 12 aña.