Koral Specht—E kompania Aska Insurance a tene un enkuentro sosial na Sentro di Detenshon i Korekshon Kòrsou
E kompania den kuadro di nan kumplimentu sosial a hasi un bishita na e sekshon di hende muhé. Huntu ku nan anfitrion Akisha Albert a organisá un momento ameno den seno di detenidonan femenino pa por a selebrá e Dia di Hende Muhé. Tabata presente di parti di Aska, Archangela Garcia, Commercial Department Supervisor, Melissa Arroyo Marketing Specialist i Shanon Henry, Account Manager.
E evento tabata un aktividat organisá pa ASKA Insurance pa por a duna bek na komunidat. A skohe na SDKK pasobra hopi biaha no ta para ketu na e klientenan di SDKK. E kompania a pensa pa organisá un mainta di inspirashon i motivashon. Tabata un mainta ameno unda a hiba desayuno pa e klientenan kompaña pa Akisha Albert i Melania vd Veen i coach pa inspirashon Sydelle Ricardo.