Back to Top
Responsive image
E korant di pueblo

Ata e wega di Bakunashon a drenta den sektor farandulero


June 5, 2021 • 1 minüt pa lesa

WILLEMSTAD,—-Na diferente okashon Vigilante Farándula a bin ta bisa ku, lo yega e momentu ku lo bai eksigí ku si bo no ta Bakuna, bo no por drenta na sierto sitio nan. Ayera tur hende por a tende ku Minister presidènt Demishonario Eugene Rhuggenaath a bisa ku.

“Tur Beachclub, (Restorant i bar na laman ku tin pèrmit di Horeca: Koffiehuis i /òf restorant), mester krea un entrada ku ta hasi posibel pa kontrolá na porta, ora tin aktividat di entretenimentu. Tur persona ku ta bishita e instansianan aki mester tin su buki ofisial di Bakunashon komo prueba i/òf a hasi tèst antigeno no mas bieu ku 24 ora promé ku e aktividat. Esaki ta nesesario pa por kumpli ku palabrashonnan ora ta organisá un evento piloto COVID-seif.

E regla aki sigur por bai afektá farándula di Kòrsou. Paso no ta un sekreto ku no ta tur músiko i tambe ta bin aserka, tur hende ku ta bishita eventonan Kultural ta di akuerdo ku e asuntu di Bakunashon. Tin diferente kantante i tambe músikonan super popular ku no ke tende nada di Bakuna, kiko lo bai pasa ku e músikonan  aki, si dado kaso nan agrupashon musikal haña un kompromiso den un di e sitionan ariba menshoná òf den kualke otro sitio ku tambe bai kuminsá usa e regla ariba menshoná.

Login