Polis a bai mesora Saliña pa e kaso di atrako.

Willemstad—Personal di e tim di atrako ta kondusiendo un investigashon di ladronisia ku violensia ku a tuma lugá ayera den oranan di atardi den e negoshi Economic Electronics na Saliña unda  bai ku un kantidat di telefòn.

Den oranan di atardi Polis a keda dirigí ku urgensia pa Lindbergweg ku ta keda den Saliña pa un kaso di atrako ku a kaba di tuma lugá den e negoshi Economic Electronics. Na e negoshi Polis a bin topa ku e propietario kual a splika ku dos tipo mester a drenta den e negoshi i a bou di menasa a pone para ketu. Un di e tiponan asta a agredié na altura di su boka pa despues e duo piki un kantidat di telefòn bai kuné ku ta yega na e balor total di 10 mil florin. Polis mesora a sali buska den e aria pa wak si ta topa ku e tiponan miéntras a pidi presensia di e tim di atrako pa nan por tuma e denunsia i sigui ku e investigashon.