Back to Top
Responsive image
E korant di pueblo

AutoCity i IBFF a firma akuerdo


June 2, 2021 • 1 minüt pa lesa

WILLEMSTAD,—-Tabata djamars anochi ku Kòrsou a presensia un momentu mágiko,kaminda dos organisashon prestigioso a disidí di pone e barera nan di e pandemia aki un banda i drenta un kolaborashon ku otro pa asina engrandese nos mundu di beyesa, talento i edukashon moral.

Aki Vigilante Farándula ta referí na AutoCity i tambe IBFF. Ta trata aki di dos organisashon kompletamente diferente, pero ku a uni ku otro pa un solo meta, i esei ta e meta pa hiba e mundu di beyesa mas leu ku ta posibel. Paso Uni e forsa ta hopi mas grandi ku hopi hende ta pensa.

Manera hopi hende sa, tantu AutoCity komo IBFF, a sa di destaká den nan gremio i ta sumamente fasinante mira dos organisashon di tantu taya uni forsa pa logra meta nan grandi. AutoCity a pone na disposishon di IBFF un Chevrolet Tracker 2022 pa asina nan por hasi un fundraising den forma di un lòt i por sigui ku e bon trabou di eduká e hóben nan den e mundu di beyesa.

Paso beyesa no ta para pa e bunitesa eksterno so, pero tambe tin hopi diaber ku bo norma i balor nan. Nos ta spera di por kolaborá ku otro hopi aña mas i asina sigui engrandese esaki. Pues na final di dia, tabata abogado Gislainne Maria i tambe General Mananger di AutoCity Peter de Greeff huntu ku representante di IBFF Tabitha de Vreugd ta firma e akuerdo aki. Esaki sigur ta un tremendo notisia i logro pa ku e mundu di beyesa lokal. Paso na final di dia, ta e hóbennan ku ta partisipá den e sertámen nan di beyesa, ta nan tin ku sali gana.

Login