Back to Top
Responsive image
E korant di pueblo

Awe na un luna Kòrsou ta topa Guatemala


May 8, 2021 • 1 minüt pa lesa

WILLEMSTAD—Awe ta djasabra dia 8 mei 2021, kual ta fecha unda falta eksaktamente 1 luna, pa nos yega djamars, dia 8 yüni 2021, ku ta dia ku nos ekipo nashonal di futbòl, lo bai ta den akshon.

Ta trata aki di nos último wega di e promé buèlta klasifikasifikatorio di Grupo C di Concacaf, unda Kòrsou lo topa ku e selekshon di Guatemala, den Stadion Ergilio Hato na Brievengat.

Lo bai ta partido ku lo determiná e ganadó di Grupo C di Concacaf, pa asina kontinuá riba e ruta pa trata na alkansá kampionato mundial di futbòl ku otro aña lo mira akshon na Qatar.

Despues ku tur 5 ekipo di Grupo C di Concacaf a realisá 2 wega kaba, netamente Kòrsou i Guatemala ta e ekiponan ku a logra 2 triunfo i ta enkabesá e grupo ku 6 punto, kual ta e máksimo ku kada unu por a logra pa optené.

Login