Nieuwe Haven- Notario Johnny Kleinmoedig den un tratamentu den Kámara Konsehal di Korte lo hasi petishon pa su libertat kondishonal. Esaki pendiente su tratamentu den Korte di Apelashon. Kleinmoedig den un desishon di Promé Tribunal Penal a keda sentensha ku enkarselashon inmediato na 18 luna inkondishonal.

Awe den oranan di mèrdia dilanti 3 wes, abogado di Kleinmoedig, Paula Janssen  lo hiba argumentunan den un intento pa laga e notario bai liber pendiente su tratamentu den Korte di Apelashon. E proseso lo ta un tratamentu ku porta sera unda no ta permití presensha di públiko ya no ta un tratamentu dje kaso den su kontenido, sino e puntonan bou di kual e promé Tribunal a ordená enkarselashon inmediato.