WILLEMSTAD—Fusions situá den Saliña lo ta esenario awe, djaweps dia 16 yüni 2022 nochi, entre 7’or i 9’or, pa inskripshon pa partisipá den “Real 2 Real Dirty 2022”

Ta trata aki di evento, unda ku por disfrutá, dia 26 yüni próksimo, den Stadion Johnny Vrutaal na Rif. Riba e fecha di e evento, entrada ta habri 3’or di atardi, pa seguidamente e show mes inisiá, pa 4’or di atardi. Lo bai ta un aktividat estilo 7×1, unda lo tin 7 diferente aktividat, bou di un dak.

Lo bai ta un atardi, riba kua lo bai tin entre otro 4×4 Battles, unda outonan di mondi vibes lo kompetí riba un offroad track, ku lo keda konstruí. Tambe lo bai tin kompetensianan di crossers, quad, heavy equipment, i semi heavy equipment.

Karchinan ya ta optenibel, miéntras ku pa hinka tur hende den e ambiente di e evento, lo tin un autoshow, dia 25 próksimo, for di 6’or di atardi te ku 10’or di anochi, den Stadion di Rif mes.