Willemstad,– Entrante awe tur bishitante mester paga pa parker na Curacao Medical Center. Despues ku gerensia di CC a anunsiá esaki, a surgi bastante diskushon, pero ku finalmente tòg lo kuminsá kobra awe i e empleadonan si lo por parker grátis den e espasio nan asigná na piso dos.
E tarifa pa parker na CMC lo ta 3 florin pa e promé ora i e siguiente oranan e ta bira dos florin pa kada ora.

Na e momentunan aki por paga únikamente ku moneda òf sèn di papel na florin òf dòler, pero den futuro lo por paga tambe ku karchinan di banko. Ta bon pa pueblo tene na kuenta ,ku e aparatonan no ta akseptá moneda di 1 sèn.

Pa paga pa parker mester hasi esaki na Atrium na piso 0, banda di e left na piso 1, banda di e left na piso 2 i na momentu ku tin kualkier problema ku e mashin por tuma kontakto ku Seguridat na 1010.

PARKER PA EMPLEADONAN:

Na momentu ku e empleado pasa su pas di personal lo e risibí un notifikashon si e espasio di parker pa personal ta yen. Si esaki ta e kaso, e empleado lo por skohe pa parker tòg, pero kontra pago i pues esaki ta desishon propio di e empleado.