WILLEMSTAD:  Nos ta na un otro fin di aña i hopi ta esnan ku ta kumpli ku e deseo di por ‘kore’ drenta aña nobo den un outo nobis nobis. Banco di Caribe ta dunabo e chèns aki! Laga aña 2023 habri bo den un KIA òf NISSAN último modelo.

Djasabra dia 10 di desèmber próksimo, Banco di Caribe i Universal Motors/Global Motors lo tene nan último outoshow p’e aña aki. Lo tin deskuento grandi riba modelonan di outo marka KIA i NISSAN. E outo show lo tuma lugá na showroom di KIA/Nissan na Saliña for di 9 or di mainta pa 3or di atardi. Banco di Caribe lo ta presente pa ofresé posibilidat di finansiamentu te 7 aña ku un interes abou, dunando tur hende oportunidat di kumpra un outo nobo.

Bo outo nobo ku 0 na man!

Lo tin deskuento riba diferente modelo di outo marka KIA (Rio, Picanto, Soul, Sorento, Cerato, Carens) i tambe Nissan ( Frontier,Versa, Qashqai,Xtrail, March, Note i Kicks). Maske tur ta bunita, e atenshon lo ta riba e KIA Sportage nobo nobo, ku su diseño úniko i luhoso. E Kia Sportage ta disponé di ‘feautures’ manera ‘steering wheel’, ‘ABS brakes’, ‘rear AC’ i hopi mas. Esnan ku ta presente n’e outo show i ke kumpra un outo nobo, por apliká pa un fiansa pa outo ku interes super abou, bálido e dia aki so!

Trese bo dokumentonan pa un aprobashon rápido:

Tur ku ta deseá di kumpra un outo nobo durante di e outoshow i ke un pre-aprobashon ‘on the spot’ lo mester trese e último 2 slepnan di salario, identifikashon bálido i deklarashon di doño di trabou no mas bieu ku 2 siman. Den kaso ku e kliente no tin un kuenta na Banco di Caribe ainda, mester trese e dos último estadonan di kuenta tambe.  Unabes trese tur dokumento na e outoshow por risibí un pre aprobashon i despues un aprobashon final den 2 dia di trabou. Bishitá www.bancodicaribe.com, sigui e página di Facebook di Banco di Caribe òf yama na 432 3200 pa mas informashon.