WILLEMSTAD: E tarheta ku múltiple uso di Banco di Caribe ta den promoshon spesial e siman aki! Banco di Caribe su MultiCard ta ‘ready’ pa ‘Black Friday’ i ‘Cyber Monday’, ofresiendo bo un opshon di pago sigur i lihé riba kualke plataforma di kompra ‘online’.

Kuminsando djaluna dia 31 di òktober, e MultiCard lo ta disponibel na un preis redusí di ANG 25,- únikamente pa e siman aki!

Ta kustumber di hopi kliente pa warda e periodo dinámiko di ‘Black Friday’ i ‘Cyber Monday’pa kumpra artíkulonan di kas, elektrodoméstiko, ‘gadgets’ òf paña na un preis mas kumbiniente tantu ‘online’ komo den pakus aki na Kòrsou mes. Ademas, nos ta den pleno fin di aña i Banco di Caribe su MultiCard ta e tarheta perfekto pa fasilitá e proseso di pago online. Aparte di kumpra online, por hasi kompra den kualke pakus aki na Kòrsou mes. E MultiCard ta un tarheta prépago personalisá, ku un balides di 2 aña, ku por rekargá te na un máksimo di $2000,-. Pa esnan ku ta bayendo di biahe tambe e MultiCard ta perfekto!

Hóbennan kuminsando na un edat di 12 aña tambe por disponé di un MultiCard. Di e manera aki mayornan por siña nan yu kon pa manehá nan sèn na un edat relativamente hóben. Na momento ku hasi uso di e MultiCard, por aktivá e servisio di SMS Alert grátis; despues di kada transakshon e kliente ta risibí un mensahe di teksto indikando e lugá, montante di e transakshon èts. Asina por keda na altura di tur transakshon ku e MultiCard.  Tuma nota ku e promoshon spesial aki ta bálido 1 siman so, di 31 di òktober te 4 di novèmber 2022. Por apliká fásilmente online pa un MultiCard via www.bancodicaribe.com. Pa mas informashon, porfabor yama 432 3200.