WILLEMSTAD—– Habitantenan di e bario di De Savaan a kansa i awor si ta pidi yudansa na e departamentunan konserní pa ku e molèster ku nan tin años  ta soportá.

Algun habitantenan di e bario di De Savaan a yega na e punto ku nan no por soportá mas e oló di gas ku tin ya pa basta aña ta asotá e bario.  Ta asina ku den e bario di De Savaan pa ta mas eksakto Kaya Regenbak number 28 e habitantenan di e kas di Fundashon Popular a kue esaki hasi un garashi na unda ta drecha i tambe spùit vehíkulo. Esaki ta pa na promé lugá ta kontra lei debí ku no por asina sin mas den un aria unda hende ta biba ta kue esaki hasi un garashi tresiendo molèster pa tantu oido i tambe ora di hala rosea. Ta asina ku na e adrès aki kual a para bira un garashi diariamente tin spùitmentu di vehíkulo i no ta tene kuenta mes ku esnan ku ta biba alrededor. Sigur e oló di spùit kual ta e gas ta un  oló ku kasi un hende no por hala rosea. Esei ta e motibu ku den mayoria kaso e spuitdo ta bisti un protekshon i ta spùit vehíkulo den un kabina kual ta e sitio indiká pa spùit vehíkulo i no den aire liber. E habitantenan di  De Savaan na numeroso okashon a pidi asistensia di Polis, FKP, MEO, GMN ántes GGD i tambe e servisio di Milieu ku a yega di presentá na e adrès pero alfinal e spùitmentu ta sigui tuma lugá den e aria pobla.

 Den e bario  tin habitantenan ku ta bira malu dor di e holó fuerte aki. E holó aki ta hopi fuerte i dañino pa hende su salu. Habitante ta hopi kansa di e situashon i ta pidi minister di salubridat i instansianan konserní pa por fabor atendé ku e asuntu aki. Nan no por mas ku e situashon. E situashon aki ta inaseptabel salu di hende. E habitantenan ta hasi un súplika na Minister  Silvania kual tin e kartera na su disposishon pa laga su departamentu pasa kontrolá i para e abusador aki sin mas.