Back to Top
Vigilante banner image

Beibi di un luna ta skapa Covid


December 22, 2021 • 1 minüt pa lesa

Otrobanda– Staf médiko na CMC siman pasá mester a atendé ku un kaso delikado, unda un baby di 1 luna mester a tèst pa Covid.

E tèst mester a tuma lugá despues ku mama di e baby a test positif pa Covid. Konsekuentemente a lanta prekupashon pa e baby di apenas un luna. Pero, tèstnan riba e baby te ku siman pasá a resulta negatif. Vigilante a drenta den kontakto ku CMC, unda Ofisial di Merkadeo i Komunikashon, sra. Gibbs tabata ousente. Direktor di CMC, Gilbert Martina a bisa di no ta bai den niun detaye dje kaso pero e la konfirmá ku un baby a resultá negatif.

Na Kòrsou te ainda no tin informashon kon mamanan ku resien nasí mester atendé ku e problemátika di Covid. Segun dr. Izzy Gerstenbluth, no ta inusual ku un beibi por haña Covid. Kalke persona ku brasa sunchi e beibi, ta eksponé e infante na Covid, si e persona en kestion ta i infektá.



Login