Willemstad,– Bomberonan a keda dirigí pa Kaya Bazjan Karpata pa un kandela  ku  tabata  mandando  basta  huma  i  ku  esaki  tabata  menasa  pa  destruí  un kas tambe.

Primeramente  bombero  i  tambe  Polis  a  haña  e  informashon ku  un kas riba Seru di  Domi  pa  ta  mas  eksakto  den  Kaya  Bazjan  Karpata  lo tabata na kandela. Mesora  a  bai  na  e  adrès  unda  a  bin  tuma  nota  ku  e  kas  no  tabata  na  kandela  pero  un  opheto  den  balkon  di  e  kas  lo  tabata  na  kandela.  A  bin  resultá ku riba e mesa den e balkon tabatin un bela pone pero esaki a bin kai i a resultá nèt den un stul kual mesora a sende na kandela.

Habitantenan ku asistensia di demas a logra di dominá e kandela pa evitá ku esaki por a destruí e kas tambe. Entretantu e pagadónan di kandela stashoná na Mundu Nobo a yega na e sitio i a bai den e kura i tambe kas pa asina hasi nan investigashon pa sigurá ku e kandela a ser dominá.