Back to Top
Responsive image
E korant di pueblo

Benny Sevinger a antisipá su detenshon i ta bisa ku ta un persekushon polítiko


May 27, 2021 • 2 minüt pa lesa

ARUBA,– Ayera mainta Ministerio Públiko a laga arestá Benny Sevinger riba sospecho di korupshon pa loke ta trata terenonan di gobièrnu.

Sinembargo e parlamentario i e èks minister di infrastruktura, a laga traha un video, kaminda e ta trese vários deklarashon dilanti, antisipando su detenshon.

Den e video e ta konta ku e kier ta hopi kla ku e pueblo di Aruba. El a splika kiko ta sosodiendo na e momentonan aki.

Mas ku 1 aña i 7 luna pasá, e hendenan (RST) a drenta su kas ku kachó, un paden i un pafó, batayon di reshèrshe, RST, polis, tur hende a koba, ariba i abou, tur kaminda. Despues di einan e no a tende nada mas di e hendenan aki.

E ta sigui bisa den e video ku e aña aki elekshon ta yegando i huntu ku partido AVP, nan a disidí ku kier klaridat riba e asuntu aki. El a bai su abogado kende ta abogado David Kock i dia 11 di mart nan a manda un karta pa Ministerio Públiko kaminda ku nan ta pidi klaridat riba hinter e asuntu aki, pues riba e investigashon.  Señor Sevinger ta sigui bisa ku nan a pidi Ministerio Públiko pa duna esaki promé ku dia 25 di mart pasobra Sevinger ta un polítiko i mester di klaridat pa sa si e ta bai partisipá na elekshon i partido AVP kier klaridat pa sa si e lo partisipá.

E parlamentario den e video ta bisa ku e dossier ku a traha promé ku su detenshon, lo bai keda entregá na Ministerio Públiko. “E dossier ta mustra kon Promé Minister Evelyn Wever-Croes a bende tereno di Waterpark pa 17 mion dòler i lo mi entreg’é na nan. E tabata den mi ofisina, pero nan no a bai kuné. Lo ta pa un motibu”, asina Benny a bisa. El a bisa ku e lo papia riba e kaso aki promé ku e papia kualkier otro kos”.

Aktualmente Aruba ta den kayente di elekshon. Sevinger ta detené i lo bai ku fe den Dios, ku su hende i su famia den su kurason i ku e lo sali liber di tur esaki.

“Mi ofisina den Rancho ta habri. Tur mi hendenan por yega i duna sosten pasobra lo mi sali for di e kos aki i dia 25 di yüni awor, pueblo lo sa di vota masalmente pa kore ku e abusadónan aki, e diktadornan aki i pa despues nos bai tambe ‘ruim op de boel’ den Ministerio Públiko.

Login