Back to Top
Responsive image
E korant di pueblo

Benta UTS a keda habrí ku 54 mion florin


May 27, 2021 • 2 minüt pa lesa

Den kuentanan di Gobièrnu, pago final pa benta UTS ta “open”

Punda— Riba kuentanan di gobièrnu di Kòrsou ta aparesé un suma di 53.3 mion florin pa “nog af te wikkelen ivm verkoop UTS. Ta trata di un suma ku ainda Flow (Latin American Cables) debe gobièrnu komo e pago final pa kompra di UTS.

E pago final ainda no a tuma lugá i no ta konosi tampoko kiko realmente ta e motibu. “Liberty Latin American Cables ainda mester paga 53.3 mion florin pa por bira doño di UTS. Si resultá ku en bèrdat Liberty no a paga e kota final di 53.3 mion, ta nifiká ku den práktika for di 339 mion florin ku a bende UTS, ta solamente 12 mion florin ta den kaha di gobièrnu na e momentonan aki.  UTS a wòrdu bendí pa 339 mion florin. Na Fiansa mester a deskontá 78.2 mion pero e kompania tabatin na aktivo i kèsh 52.7 mion. Despues di eliminá fiansa i añadí aktivonan riba e suma ta keda 313.4 mion florin. For di 313.4 mion mester a deskontá debe ku tabata di kréditornan na 42.6 mion i fondo di penshun atrasá na 85.8 mion florin. Ta keda 185 mion florin. Pero UTS tabatin mas debe. Entre nan tabatin 6.1 mion na impuesto, 15.2 na debenan di konseshon i 6.5 mion na debe den derechinan di eksklusividat.  Ora deskontá e di tres trapi di debe ta keda 157.2 mion florin ku ainda no por a bai den kaha di Kòrsou. For di e 157.2 mion florin, gobièrnu di St. Maarten a claim 19.5 mion florin komo sosio den UTS. Kòrsou a keda ku 137.6 mion florin riba “papel”. Di e 137.6 mion ku mester a bini Kòrsou despues di a paga tur kos atrasá di UTS, Liberty a reserva 53.7 mion florin pa subi un kuenta intermediario ku mester a kanselá na e luna aki na 2021. Esta mart 2021. Sin e plaka riba e kuenta intermediario, Gobièrnu di Kòrsou mester a risibi segun kálkulonan, 137.6 mion deskontá 53.7 mion florin ta bira 83.9 florin. Ta konosí ku di e suma aki, 66 mion florin a bai Curaçao Medical Center. Despues di deskontá 66 mion florin ta keda 17.9 mion florin. 6 mion florin mester a bai bek Flow, lokual segun konteo di Vigilante a keda 11.9 mion florin.

Login