Back to Top
Vigilante banner image

Betèsda ta spera ku nan ta drenta fase bèrdè bèk


December 18, 2020 • 2 minüt pa lesa

De Savaan—Vigilante a hiba un kombersashon ku Dr. Rog direktora di Betèsda, i e la duna di konosé ku e ta spera pa e siman binidero aki nan drenta fase bèrdè bek.

Dr. Rog a splika ku nan tin nan plan pa kalamidat, i ku nan ta prepará pa kualke situashon ku nan lo por haña nan mes kuné i pa asina por hèndel e. Na e momentu nan aki Betèsda ta den fase hel. Si tin un kliente positivo òf mas ku 20% di personal ku a kai afó dùs AO outomátikamente bo ta drenta fase hel. Na e momentu nan aki ta wardando riba e di dos resultado di un kliente pa por sa sigur ku e a keda bon. I si den personal tampoko no tin hopi AO nan lo por kai bek den fase bèrdè i ya pa asina e kliente nan lo por kuminsá risibí bishita bek.

Tambe a puntra Dr. Rog si tin sufisiente personal na e momentu nan aki. E la duna komo kontesta ku tin un tiki falta di personal pero no nada ku nan no por solushoná. Aparte di esaki nan a tin un kantidat di boluntario ku tin eksperensia den kuido i a pone un kantidat di persona pa por sustituí esnan ku falta te na momentu ku es ku tin AO bin trabou bèk.

Pa loke ta trata e klientenan, e ta haña ku awor aki nan ta mas rustig kompará ku for di Mart i Aprel kaminda ku mester a dal sera. Tin kliente ku e situashon a dal nan hopi duru, mirando ku nan lo no ta por a risibí bishita di nan ser kerí nan. Pa tòg e kliente nan por sinta nan un tiki mas mihó den e dia nan festivo aki, personal di Betèsda a organisá un par di aktividat pa por hasi ku e kliente nan.

Login